EUROPAKO ERLIEBEA: penintsulak, itsasoak eta uharteak.

EUROPAKO ERLIEBEA

Europako erliebea oso ezberdina da lekuaren arabera.

Erliebean ondorengo elementuak ikasiko ditugu:

Penintsulak, itsasoak, uharteak, artxipielagoak, mendiak eta mendilerro nagusiak, lakuak eta ibaiak.

Penintsulak:

Europako mapa begiratzen baduzu, kostaldeko erliebe berezia ikusiko duzu. Lurralde zati batzuk, itsasoan sartzen dira eta urez inguraturik gelditzen dira ia leku guztietatik. Dakizunez lur zati horiek penintsulak dira, eta haien artean ondokoak dira aipagarrienak: 

1) Eskandinaviako penintsula	2) Kola penintsula
3) Jutlandiako penintsula	4) Iberiar penintsula
5) Italiar penintsula	6) Balkanetako penintsula
7) Krimeako penintsula

Itsasoak

Penintsula horien artean eta lurralde horiek inguratuz, Atlantiar ozeanoa, itsaso desberdinetan banatzen da: Baltiko itsasoa, Ipar itsasoa, Kantauri, Mediterraneoa, Tirreniarra, Adriatikoa, Joniar, Egeo, itsaso Beltza, Kaspiar itsasoa… .

Itsasoen kokapenarekin jolas egin nahi baduzu egin klik ondoko estekan. Ondo pasa!.
http://www.educaplay.com/es/recursoseducativos/1061912/europako_itsasoak.htm

Uharteak:

Ugari dira Europan, batzuk oso handiak gainera. Zenbaitetan taldetan elkartuta agertzen dira, artxipielagoak osatuz. Hor dituzu esate baterako, Britania Handia eta Irlandako uharte handiak beste zenbait uharte txikiagorekin batera artxipielago Britaniarra osatuz.
Islandia, Zipre, Balear uharteak, Korsika, Sardinia, Sizilia, Kreta… ere Europako uharte handiak dira.

Europako penintsula eta uharte batzuk non dauden asmatzeko tartetxorik baduzu ez galdu aukera eta sar zaitez ondoko estekan.

http://www.educaplay.com/es/recursoseducativos/1134950/europako_penintsulak.htm