Makina sinpleak: gizakiak
antzinatik erabili dituen oinarrizko tresnak dira. Horiei esker, lan fisikoa arinagoa eta
errazagoa bihurtu da.
Lehenengo gizakiek harrizko
tresnak egiten zituzten, tamaina eta forma askotakoak: aizkorak,
karraskagailuak, zulagailuak...
Urteak joan, urteak etorri
beste asmakizunak egin ziren: makina sinpleak, adibidez:
palanka, txirrika, tornua, arrapala, gurpila eta ziria. Makina sinpleek
gizakiaren indarra behar dute funtzionatzeko.
Palanka: Barra zurrun
bat da. Funtzionatzeko mugitu nahi den gorputzaren azpian eta euste-puntua
deitzen zaionaren azpian sostengatuz erabiltzen da, libre geratzen den aldean
indarra (potentzia)
egiten da eta altxa nahi dugun gorputzaren erresistentzia gainditzen dugu.
Txirrika: Buelta osoan
erretena duen gurpila da txirrika. Pisuak modu erosoan altxatzen laguntzen du
txirrikak.
Gurpila: Ardatz baten
inguruan biratzen duen atal biribila da. Gorputz astunak errazago garraiatzen
laguntzen du edo motor
baten bidez gorputz astunak garraiatzen ditu.
Plano inklinatua: Maila ezberdinetan aurkitzen diren bi punturen artean kokatutako planoari
deitzen zaio plano inklinatua. Gorputz astunak altxatzeko edo mantso jaisteko
erabiltzen da makina hori.
Tornua: Ardatz baten
inguruan biratzen duen zilindroz osatutako makina da tornua. Pisuak behetik
tornua dagoen mailaraino altxatzeko erabiltzen da makina hori.
Ziria: Metalezko
edo zurezko pieza, normalean zapala eta puntazorrotza. Solido batean arrailak egiteko, bi gorputz solidoren artean sartuta elkarri eusteko, zuloak estaltzeko…
erabiltzen dena.
iruzkinik ez:
Argitaratu iruzkina