ODOLA

ODOLA

Odola likido gorri, gazi eta sendoa da eta gorputzeko leku batetik bestera hainbat substantzia garraiatzen ditu.

Odola gai likidoz eta solidoz osatuta dago:

 

GAI LIKIDOAK:

·       Odol Plasma: Likido horixka bat da eta ura du osagai nagusia. Uraz gain gatz mineralak, mantenugaiak eta hondakinak ditu osagai ur horretan disolbatuta. Mantenugaiak zeluletara eramatea eta zeluletan jasotako hondakinak giltzurrunetara garraiatzea dira egiten dituen funtzio nagusiak.

GAI SOLIDOAK:

·       Globulu gorriak: hemoglobina sustantzia gorriaz osatuta daude eta horrek ematen dio odolari kolore gorria. Beren eginkizun nagusia biriketatik zeluletara oxigenoa eta zeluletatik biriketara karbono dioxidoa garraiatzea da.

Globulu gorriak mikroskopioan

·       Globulu zuriak: Infekzioetatik babesten gaituzte, gorputzean sartzen diren germenak suntsitzen dituztelako.

Globulu zuria gorrien artean

·       Plaketak: zelula zati txiki-txikiak dira eta fibrina izeneko substantzia erabiltzen dute zauriak ixteko. 

Zer gertatzen da zauria edo lesioa dagoenean?

 

Bitxikeriak: Bazenekien?........

Heldu batek, batez beste, 5-6 litro  odol ditu bere gorputzean. Orokorrean, kalkuluak egiteko, gorputzaren pisu osoaren %7,7a odola da. Beraz zure gorputzean dagoen odol kantitatea kalkulatu nahi baduzu hortxe duzu datua.

Odola emateko bete behar diren baldintza mediko eta legezkoak bete ondoren, odola ematea oso gauza erraza da, ez du minik ematen, eta 10 minutu eskas behar dira hori egiteko.
Emanaldi bakoitzean 450 cc odol ateratzen da gutxi gorabehera.
Pertsona batek urtean gehienez zenbat aldiz eman dezake odola?
--->Gizonek 4 aldiz
--->Emakumeek 3 aldiz

Emakumeek zergatik eman dezakete gizonek baino gutxiagotan?
Emakumeen burdina-erreserbak hilean behin urritu egiten dira hilerokoaren eraginez. Beraz, urtean 4 aldiz ematen duen gizon batek eta 3 aldiz ematen duen emakume batek urtean burdina-kantitate berdintsua galduko dute.

Odola ateratzeko tresna guztiak behin bakarrik erabiltzen dira, horregatik inork ezin du inolako gaixotasunik harrapatu odola emategatik.
Besoa tolestatzeko aldean dauden zainetako batetik ateratzen da odola.
Odola eman ondoren emaileari mokadutxo bat eskaintzen zaio.
Odola emateko zentrotik ateratzen denerako organismoa ondo dago.

 

 

 Asko ikasi duzu? Ba orain odolari buruz dakizuna egiaztatzeko klik egin ondoko estekan.

http://docentes.educacion.navarra.es/iazpiro1/3dbh/zirkulazio_aparatua/odola.htm